Informatika Hezitzailea, etikoa eta askea

Elkartenet Hezkuntza Elkartea irabazi-asmorik gabeko erakundea da. Gure misioa argia da: gaur egungo ereduaren aurrean, teknologia pertsonen eta komunitateen zerbitzura jartzea. Horretarako, informatikaren erabilera global, etiko eta libreagoa sustatzen duten proiektuak garatzen ditugu, hezkuntza, ekonomia zirkularra eta software librea ardatz hartuta.

ZER EGITEN DUGU

Hezkuntza, ekonomia zirkularra eta software librea

Informatika eskuragarriagoa, etikoagoa eta askeagoa lortzeko lau ardatzetan antolatzen dugu gure jarduna

Formakuntza

IKTen prestakuntza eskaintzen diegu irakasleei zein ikasleei, software librean oinarritutako ikuspegi batekin. Horrez gain, ekonomia zirkularra eta hardwarea lantzen dituzten tailerrak garatzen ditugu ikastetxeetan. Hezkuntza gizarte-eraldaketarako giltza dela sinetsita, gure jardunaren ardatz nagusietako bat bihurtu dugu.

Gehiago jakin

Ekonomia Zirkularra

Erakunde eta enpresek baztertutako ekipo informatikoak berreskuratu, konpondu eta berrerabiltzen ditugu, haien bizi-zikloa luzatzeko eta ekonomia linealaren ondorio negatiboak murrizteko. Bizkaiko Berrerabilpenerako Lehen Prestakuntza Zentroa (CPR) gara, ekonomia zirkularraren aldeko erreferentea.

Gehiago jakin

KimuDigitalak

TxikiLinux-Xilaba software libreko sistema eragilea da, Linux Mint-en oinarritua, eta hiru behar-profili egokitutako bertsioak eskaintzen ditu: TxikiLinux (haurrak), Xilaba (nerabeak eta helduak) eta Begion (ikusmen urritasuna duten pertsonak). 200 hezkuntza-tresna baino gehiago barne hartzen ditu, ikaskuntza aktiboa, irisgarritasuna eta sormena sustatzeko.

Gehiago jakin

Denda eta tailerra

Bilboko Jon Arrospide kalean dugu gure bigarren bizitzako denda eta zerbitzu teknikoa. Eman beste aukera bat zure ordenagailuari: konpondu, berrerabili edo, behar izanez gero, erosi ekipo berregokitu bat kostu ekonomiko eta ingurumeneko txikiagoarekin. Hurbildu eta deskubritu gure zerbitzu guztiak.

Gehiago jakin

PROIEKTUAK

Jendartean eragina duen teknologia

Hezkuntza, software librea eta nazioarteko lankidetza lotzen dituzten proiektuak eraikitzen ditugu.

Mugarik Gabeko Ikasgelak

Hegoalde Globaleko arrakala digitalari aurre egiteko nazioarteko lankidetza-proiektua garatzen dugu, gaur egun sei herrialdetan presente dagoena. Gure lana ez da ekipo informatikoak ematera mugatzen: gaitasunak eraikitzea da gure helburua. Horretarako, tokian tokiko pertsonei prestakuntza ematen diegu, beren komunitateetan informatika-gelak eta azpiegitura digital iraunkorrak gara ditzaten.

Txikilinux

TxikiLinux haurrentzako diseinatutako gure sistema eragilearen bertsioa da, Linux Mint-en oinarritua. Haur hezkuntzako eta lehen hezkuntzako ikasleei zuzenduta, IKT kontzeptuak modu intuitiboan lantzeko aukera ematen du, beste arlo akademikoekin (matematika, artea, geografia…) uztartuz. Helburua argia da: ikasteko gaitasuna, sormena, jakin-mina eta pentsamendu logikoa garatzea, ikaskuntza aktibo eta esanguratsuaren bidez.

Xilaba

Xilaba nerabeei eta helduei zuzendutako TxikiLinux-Xilaba sistemaren bertsioa da, Linux Mint-en oinarritua. Arina, segurua eta doakoa, eguneroko erabilerarako tresna guztiak eskaintzen ditu: bulegotika, multimedia eta garapena. Ohiko sistema eragile lizentziadunekin egiten duzun guztia egiteko aukera ematen dizu, baina modu libreago eta seguruago batean eta kostu txikiagoarekin.

GURE ERAGINA

Emaitzen indarra erakusten duten zifrak

Gu gara zuengana joaten garenak. Gure taldea ikastetxe, institutu eta prestakuntza zentroetara hurbiltzen da, tailerrak eta prestakuntzak zuzenean zuen geletan eskaintzeko.

+4000

Ordenagailu berregokituta

+50000

Ikasle

+2000

Formatutako Familia

+400

Irakasle

+500

Formazio ordu

+10

Herrialde

GURE EGOITZA

IDEIAK EGIKARITZEN DITUGUN LEKUA

Bilboko Deustu auzoako egoitza da gure proiektu guztien bihotza. BPZ izateaz gain, bigarren bizitzako produktu informatikoen denda eta topagune irekia ere bada.

Gure helburua ez da soilik zerbitzu bat eskaintzea, komunitatea eraikitzea baizik. Horregatik, espazio hau elkargune bizia bihurtu nahi dugu, pertsonen eta elkarteen arteko sinergiak sortu eta gure eraldaketa-helburuak indartzeko.

Blog-a

AZKEN BERRIAK

Ez da bidalketarik aurkitu.

Lekukotzak

Guri buruz diote

Kide ditugun lagunen adierazpenak

“Ordenagailu berregokituak erosteko toki ezin hobea.”

Ángel Prieto

Google Maps

“Arreta bikaina eta ordenagailuak software librearekin berrerabiltzeko aukera ezin hobea.”

Miren Toxu

Google Maps

“Sekulako esperientzia. Eskerrik asko Elkartenet.”

Said RGYG

Google Maps

LAGUNTZAILEAK

ELKARREKIN DIHARDUGULAKO

“Bakarrik bazabiltza, azkarrago joango zara. Elkarrekin ibiliz gero, urrunago iritsiko gara “.

Ezagut gaitzazu

Deustun gaude, Bilbon. Bisita gaitzazu edo idatz iezaguzu gure proiektu eta zerbitzuei buruzko informazio gehiago eskuratzeko.