Proiektuak
Eragin sozial errealeko teknologia: hezkuntza, software librea eta nazioarteko lankidetza Hego Globaleko arrakala murrizteko
Mugarik Gabeko Ikasgelak
Hego Globaleko herrialdeen arrakala digitala murrizteko nazioarteko lankidetza-proiektua, modu guztiz zeharkakoan planteatua. Hau ez da soilik berriztutako ekipamendu eta produktu informatikoak ematea. Jatorrizko herrialdeetan prestakuntza eta laguntza ere barne hartzen ditu, bidalitako baliabideei ahalik eta etekin handiena ateratzeko, informatika gelak eta egitura digitalak hornitu ahal izateko, eta horrela pertsonentzako aukera berriak sortzen lagunduz, haien bizi-kalitatea hobetzeko.
Halaber, software librearekin lan eginez, sistema eragilea eta lan-tresnak gure eragin-eremuetako toki bakoitzeko hizkuntzara, ohituretara eta ezaugarrietara egokitzen ditugu; horrek abantaila handia sortzen du tokiko biztanleek erabiltzeko orduan.
Presentzia dugun hainbat herrialde
- Maroko
- Mendebaldeko Sahara
- Kongoko Errepublika Demokratikoa
- Nepal
- Senegal
- Camerún
- Kanpamendu Sahararrak (Tindouf)
(RCE) Basque Country-Navarre
Elkartenet “Euskadi-Nafarroa” Regional Centre of Expertise (RCE) sarearen partaide aktiboa da. Erakunde ezberdinen arteko aliantza sare honek garapen jasangarrirako hezkuntza sustatzen du eta UNESCOren 2030erako Ekintza Programa Globalaren baitan kokatzen da.
TxikiLinux eta Xilaba
Software libreko tresnak erabiliz, Linux Mint-en oinarritutako gure sistema eragile propioa garatu dugu, pertsonaren egoera ekonomikoa edo soziala edozein dela ere, teknologiarako sarbidea baldintza berdinetan bermatzeko. Ez dugu nahi inor atzean geratzea.
Gaur egun, bi bertsio ditugu erabiltzailearen arabera:
Txikilinux gure sistema eragilearen hezkuntza-bertsioa da. Haur Hezkuntzako eta Lehen Hezkuntzako haurrei aukera ematen die, aldi berean, gaitasun digitalak (IKTak) eta oinarrizko konpetentziak garatzeko, hala nola matematika, literatura, artea edo geografia, besteak beste. Lehen ordenagailuan instalatzeko aproposa da, eta ikasteko gaitasuna, sormena, jakin-mina eta logika modu autonomo, seguru eta fidagarrian garatzeko pentsatua dago.
Xilaba nerabeei eta helduei zuzendutako gure sistema eragilearen bertsioa da. Arina, segurua eta azkarra izanik, edozein ordenagailutan funtzionamendu arina bermatzen du. Lizentziadun sistema eragileetan dauden ezaugarri eta tresna guztiak eskaintzen ditu (ofimatika, multimedia edizioa, fitxategi-kudeatzailea…), eguneroko erritmoari jarraitzeko aukera emanez, multinazional handien mendekotasuna eta kontrol osoa saihestuz, interes ekonomiko eta sozial nabarmenekin lotuta daudenak.Txikilinuxek dituen aplikazioak:
- Matematika: Katasimu, TuxMath, GCompris, PySiogame
- Literatura: Kataluga, Katalekto, TuxType, GCompris, Katahots
- Artea: TuxPaint, Pinta, GCompris, Patata Jauna
- Besteak: PySiogame, Pysycache, Childsplay, Jclic, Kalzium, Kbruch, Tuxfootball
Kimu Digitalak
IKTak adin goiztiarretan (5-9 urte) sartzeko eta integratzeko prestakuntzak eta dinamikak. Helburua da ezagutza teoriko eta praktikoak eskaintzea, erabilera autonomora bideratuak, baina batez ere teknologia modu seguruan eta arduratsuan erabiltzeko; gero eta beharrezkoagoa dena jatorriz digitalizaziorantz doan jendarte batean.
Berrerabilpenerako Prestaketa Zentroa (BPZ)
2025eko abendutik aurrera, Deustuko gure lokala berrerabilpenerako prestaketa-zentro gisa ari da lanean, ekipamendu informatikoen bolumen handiak prozesatzeko gaitasunarekin.
Prozesua:
- Bilketa: Ikastetxe, enpresa eta erakunde publikoetatik (Eusko Jaurlaritza, Bilboko Udala, Osakidetza, SPRI) ekipamenduak jasotzen ditugu, betiere trazagarritasuna bermatuz, une oro ekipamendu bakoitzaren jatorria identifikatu ahal izateko.
- Ezabatze segurua: Datuen ezabaketa egiaztatua egiten dugu, Europako DBEO (RGPD) araudiaren arabera.
- Birgaitze teknologikoa: RAM memoria handitzen dugu, SSD diskoak instalatzen ditugu, eta BPZra iristen diren ekipo guztiei kalitate-probak egiten dizkiegu.
- Txikilinuxen instalazioa: Sistema eragile librearen hedapen masiboa FOG Project teknologiaren bidez.
- Kalitate kontrola: Bidali aurretik industria-mailako proba sorta osoa egiten da.
- Txatar bihurtze ziurtatua: Bideraezinak diren ekipoak Euskadiko birziklatze-plantetara bidaltzen dira ziurtagiri ofizialarekin. Zero hondakin.
Formakuntza
- Irakasleei zuzendutako IKT prestakuntza eta tresnak, haien espezialitatea edozein dela ere, bai haiek bai ikasleek modu erregularrean onura atera dezaten.
- Lehen Hezkuntza, Bigarren Hezkuntza eta Batxilergoko ikasleei zuzendutako ekonomia zirkularreko eta hardwareko tailerrak, ikuspegi globalarekin (teorikoa eta praktikoa), non jakin-mina sustatzen den eta egunerokoan erraz aplikatzeko moduko ezagutza baliagarriak garatzen diren.
Gurekin kolaboratu nahiko zenuke?
Deitu, idatzi edo bete formularioa. Euskal Herriko edozein ikastetxetara joaten gara ekonomia zirkularra, software librea eta gaitasun digitalak lantzeko tailerrak ematera.