Elkartenet

Hezkuntzarako zerbitzuak

2019ko ekainean, Harrobia Ikastolan 2018-TIC Singular Plan-eko ikasleek (Bilboko Udala eta Lanbide), langile batzuekin batera (Harrobia Ikastola, Reciclanet eta Deustuko Unibertsitatea) ELKARTENET Hezkuntza Elkartea osatu genuen software librean oinarritutako tresnekin hezkuntza, elkarte eta merkataritza suspertzeko proiektuak burutzeko. 2019ko irailean, ikasturtearen hasierarekin bat eginez, gure jarduera hasi zen.

Estatutuen arabera, ELKARTENET Hezkuntza Elkartearen helburuak hauek dira:

  • Lagundu beste elkarteei, enpresa txikiei eta, oro har, herritarrei euskarri digitalean duten presentzia hobetzen, software librearekin garatutako tresnen bidez.

  • Erakunde eta enpresetako ekipamendu informatikoak berrerabili, beharrezkoa izanez gero hardwareak konpondu edo ordezkatu eta Linux sistema eragilea instalatuz, horrela ekipoaren bizitza zikloa luzatuz.

  • Elkarteei eta publiko orokorrari berrerabilitako ekipamenduak eskaini, erabileraren arabera.

  • Auzoetako enpresa txikiak auzokideekin harremanetan jartzeko zuzendutako aplikazioak garatu, tokiko kontsumoa eta auzoko merkataritza bultzatzeko.

  • Elkartei prestakuntza eskaini, AMPAei eta enpresa txikiei Linux sistema eragilea erabiltzen eta software librearekin garatutako hainbat tresna erabiltzen irakasteko.

  • Linuxen oinarritutako sistema eragilea garatu, IKTak lehen haurtzaroko azken zikloan eta lehen hezkuntzako lehenengo zikloan sartzera bideratua. Ekonomia zirkularra, berrerabilpena, ingurumenarekiko errespetua bezalako baloreetan oinarrituta…. Bere helburua irakaslearen zeregina indartzea da, adin txikietan ikaskuntza prozesuan tresna digitalak ere erabiliz.

Helburu horiek lortzeko, hainbat lan-ildo proposatzen dira eta gaur egun elkartearen proiektu nagusiena KimuDigitalak da
KimuDigitalak:
Haur hezkuntzako bigarren zikloan eta lehen hezkuntzako lehenengo zikloan IKTak sartzeko proposamena, software librean garatutako hezkuntzarako aplikazioen bidez baita ekonomia zirkularraren oinarritutako giza baloreak ere (berrerabilera, ingurumenekiko errespetua,…) “Txoko Teknologikoa” kontzeptua landuko dugu aukera desberdinekin:

  •  2 ordenagailu (berrerabiliak haien bizitza zikloa luzatzeko asmoarerekin, Eusko
    Jaurlaritzako beste sail batzuetatik) proposatutako zikloetako ikasgela bakoitzean,
    TxikiLinux sistema eragilearekin eta 5-8 urte bitarteko erabiltzailei egokitutako
    periferikoekin (teklatua + sagua).
  •  4-5 minieramangarri Eskola2.0 berrerabiliak TxikiLinux sistema eragilearekin

Scroll to Top