Txikilinux – Xilaba gure sistema eragilearen bi bertsioak dira, Linux Mint-GNU/Linux-en oinarrituak. Oso arina denez, edozein ordenagailutan errendimendu ona eskaintzeko prestatuta dago; horregatik, aproposa da oraindik ongi funtzionatzen duten baina sistema eragile ohikoenen gutxieneko baldintzak betetzen ez dituzten ekipoen bizi-zikloa luzatzeko, edo berrerabilitako ordenagailuekin lan egiteko.

Txikilinux hezkuntzarako bertsioa da, Haur Hezkuntzako eta Lehen Hezkuntzako haurrentzat pentsatutako tresna ugarirekin. Teknologiarekin lehen harremana izateko aukera ematen die, ikuspegi didaktiko, espezifiko eta seguru batekin, jolastuz ikasteko.

Xilaba erabiltzaile arruntarentzat pentsatutako bertsioa da. Gehien erabiltzen diren sistema eragileen ezaugarri eta tresna guztiak eskaintzen ditu, baina modu librean, eta inor baztertu gabe arrazoi ekonomiko edo sozialen ondorioz.

Zergatik software librea? Sistema edozein testuingurutara egokitzeko aukera ematen duelako: hizkuntza gutxituak, alfabeto lokalak edo komunitate bakoitzaren behar espezifikoak. Software librea funtsezkoa da hizkuntzen mantentze eta biziberritzerako, interfazeak eta tresnak tokiko hizkuntzetara itzultzea eta egokitzea ahalbidetzen duelako; hori ezinezkoa da software pribatiboarekin.

Bere instalazioak familiak eta ikastetxeak software pribatiboaren lizentzia garestietatik askatzen ditu.